बाराकी रुबि खातुन, ५१, गृहिणी हुनुहुन्छ र हाल बारा उत्थान केन्द्र नामक संस्थासँग आबद्ध भएर असाक्षर गृहिणीहरूका लागि साक्षरता कार्यक्रम र सीपमूलक तालिमहरू संचालन गर्दै आउनुभएको छ।
मधेशी मुस्लिम समुदायको प्रतिनिधित्व गर्ने रुबि खातुनले महिला तथा सीमान्तकृत समुदायमाथि हुने विभेदविरुद्ध र ती समुदायका महिलाहरूलाई आत्मनिर्भर बनाउनको लागि राज्यले बलियो भूमिका निभाउनुपर्ने गरी नीतिगत पहल गर्ने उद्देश्यले उम्मेदवारी दिनुभएको छ।