काठमान्डौंकी ३६ वर्षीया नग्मा खरेलले ग्रामीण विकासमा स्नातकोत्तर तथा समाजशास्त्र र अङ्ग्रेजी साहित्यमा स्नातक गर्नुभएको छ।
उहाँले विभिन्न सामाजिक संस्थाहरूमा आबद्ध भएर भूकम्प, बाढी-पहिरो र कोभिडको समयमा राहत व्यवस्थापन, पीडितहरूको पुनर्स्थापना र स्वयंसेवक परिचालनको काम गर्नुभएको थियो। साथै उहाँ नेतृत्व विकास, जनसम्पर्क र रणनीति निर्माणमा पनि दखल राख्नुहुन्छ ।
हाल गतिशील लोकतान्त्रिक पार्टीकी सङ्घीय सदस्य नग्माले प्रधानमन्त्री कार्यालयमा सहायक अनुसन्धानकर्ता तथा श्री सत्य साइ सेवा सङ्गठन नेपालमा रहेर विभिन्न कार्यक्रमहरूको संयोजकको भूमिकामा काम गरिसक्नु भएको छ।