काभ्रेपलान्चोकमा जन्मिएका ४० वर्षीय दिर्घ बहादुर खड्काले मानविकी संकायमा प्रमाणपत्र तहसम्म अध्ययन गर्नुभएको छ।
व्यावसायिक रूपमा कलाकार रहेका दिर्घले अपाङ्गता अधिकारको लागि पनि निरन्तर काम गर्दै आउनुभएको छ। विशेष गरी अपाङ्गता भएका व्यक्तिहरूको लागि रोजगारी सिर्जना, दृष्टिविहीनहरूको लागि ब्रेल तथा कम्प्युटर तालिम दिने कार्यहरूमा उल्लेख्य योगदान गर्दै आउनुभएको छ।
हाल उहाँ नेपाल अपाङ्ग सशक्तीकरण समाज र फूलबारी फाउन्डेसनको अध्यक्ष, काभ्रे नेत्रहीन संघको उपाध्यक्ष र राष्ट्रिय लोक तथा दोहोरी गीत प्रतिष्ठानको सचिवको रूपमा कार्यरत हुनुहुन्छ।